ܩܲܒܘܼܠܵܘܟܼܘܿܢ ܝܘܲܚ ܒܫܲܝܢܵܐ ܠܐܲܨܲܚܬܵܐ ܕܩܲܝܛܵܐ ܦܪܝܼܫܵܬܵܐ ܕ Hume!
ܡܼܢ ܩܵܕ݉ܡ ܕܓܲܫܩܲܚ ܠܵܩܵܕ݉ܡܵܐ ܠܟܠܲܝܗܝ ܡܸܢܕܝܼܵܢܹܐ ܡܥܲܓ̰ܒܵܢܹܐ ܕܒܸܗܘܵܝܵܐ ܝܢܵܐ ܓܵܘ ܡܕܝܼܢ݉ܬܲܢ ܒܡܸܬܚܵܐ ܕܝܲܪܚܹܐ ܕܒܸܛܠܵܢܵܐ ܘܕܩܲܝܛܵܐ، ܐܵܢܵܐ ܡܲܚܘܼܒܹܐ ܝܘܸܢ ܕܐܵܡܪܸܢ ܗܵܘܝܼܬܘܿܢ ܒܲܣܝܼܡܹܐ ܪܵܒܵܐ. ܩܵܐ ܥܵܡܪܵܢܹܐ ܕ Hume ܘܚܲܒܼܪܵܘܵܬܝܼ ܡܵܠܘܼܟܼܹܐ، ܗܵܘܝܼܬܘܿܢ ܒܲܣܝܼܡܹܐ ܩܵܐ ܣܢܵܕܬܵܘܟܼܘܿܢ ܐܲܡܝܼܢܵܝܬܵܐ. ܐܵܢܵܐ ܐܝܼܬܠܝܼ ܐܝܼܩܵܪܵܐ ܕܦܝܼܫܠܝܼ ܡܓܘܼܒܝܵܐ ܐܲܝܟܼ ܪܹܫ ܡܕܝܼܢ݉ܬܵܐ ܩܵܐ ܫܹܢ݇ܬܵܐ 2024 - 25.
ܐܲܝܟܼ ܪܹܫ ܡܕܝܼܢ݉ܬܵܐ، ܐܵܢܵܐ ܒܸܕ ܦܵܠܚܸܢ ܩܵܐ ܕܐܲܟܸܕܸܢ ܕܝܲܩܝܼܪܘܵܬܹܐ ܕܡܕܝܼܢ݉ܬܵܐ ܕ Hume ܦܝܼܫܹܐ ܝܢܵܐ ܢܛܝܼܪܹܐ، ܐܲܟܘܼܕܹܐ ܝܘܼܬܪܵܢܹܐ ܩܵܐ ܟܠܲܝܗܝ ܐܵܢܝܼ ܕܟܹܐ ܚܵܝܝܼ ܘܦܵܠܚܝܼ ܘܛܲܐܠܝܼ ܠܲܐܟܼܵܐ. ܐܵܢܵܐ ܡܲܚܘܼܒܹܐ ܝܘܸܢ ܕܡܵܘܕܸܢ ܒܚܘܼܦܵܛܹܐ (ܓ̰ܵܦܹܐ) ܐܲܡܝܼܢܵܝܹܐ ܕܕܵܣܬܵܐ ܕܡܵܘܬܒܼܵܐ ܕܲܥܒܼܲܪ، ܗܿܝ ܕܦܠܝܼܚܠܵܗܿ ܒܩܸܫܝܘܼܬܵܐ ܠܐܲܟܘܼܕܹܐ ܕܩܵܠܵܘܟܼܘܿܢ ܦܵܝܫܝܼ ܗܘܵܘ ܫܸܡܥܝܹܐ.
ܐܲܚܢܲܢ ܪܵܒܵܐ ܝܘܲܚ ܒܠܝܼܓܹܐ ܒܩܲܘܲܡܝܵܬܹܐ ܘܡܸܢܕܝܼܵܢܹܐ ܠܥܒܼܵܕܵܐ ܒܐܵܗܵܐ ܐܲܩܡܵܐ ܕܒܸܛܠܵܢܵܐ!
ܕܘܼܟܵܢܹܐ ܕܬܲܪܲܨܬܵܐ ܒܐܝܼܕܵܐ ܕܡܸܢܕܝܼܵܢܹܐ ܕܥܹܐܕܵܐ ܕܡܵܘܠܵܕܵܐ ܕܡܵܪܲܢ ܩܵܐ ܫܲܒܼܪܹܐ ܒܸܕ ܦܵܠܚܝܼ ܡܼܢ ܝܵܘܡܵܢܹܐ ܩܲܕ݉ܡܵܝܹܐ ܕܝܲܪܚܵܐ ܕܟܵܢܘܿܢ ܩܲܕ݉ܡܵܝܵܐ، ܒܸܚܒܼܵܫܵܐ ܪܫܵܡܬܵܐ ܥܲܠ ܦܲܐܬܵܐ، ܘܪܫܵܡܬܵܐ ܥܲܠ ܦܠܵܣܬܸܪ ܘܒܘܼܫ ܙܵܘܕܵܐ.
ܐܵܦ ܒܸܕ ܦܵܝܫܵܐ ܡܘܼܦܠܸܚܬܵܐ ܫܸܠܫܸܠܬܵܐ ܕ Christmas Twilight ܕܕܝܼܲܢ ܒܡܸܬܚܵܐ ܕܟܠܹܗ ܝܲܪܚܵܐ ܕܟܵܢܘܿܢ ܩܲܕ݉ܡܵܝܵܐ ܘܝܼܠܵܗܿ ܗܿܝ ܦܘܼܪܣܵܐ ܟܡܝܼܠܬܵܐ ܩܵܐ ܫܠܵܝܬܵܐ ܡܼܢ ܫܘܼܓܼ݉ܠܵܐ ܘܡܲܢܝܲܚܬܵܐ ܥܲܡ ܚܲܒܼܪܵܘܵܬܹܐ ܘܒܲܝܬܘܼܬܵܐ ܥܲܠ ܩܵܠܵܐ ܟܠܵܣܝܼܟܵܝܵܐ ܕܗܵܘܵܙܹܐ ܕܥܹܐܕܵܐ ܕܡܵܘܠܵܕܵܐ ܕܡܵܪܲܢ.
ܡܼܢ ܓܹܒܵܐ ܕܟܠܚܲܕ ܓܵܘ ܡܵܘܬܒܼܵܐ ܕܡܕܝܼܢ݉ܬܵܐ ܕ Hume، ܐܲܚܢܲܢ ܒܛܠܵܒܵܐ ܝܘܲܚ ܕܡܲܥܒܼܸܪܝܼܬܘܿܢ ܚܲܕ ܡܸܬܚܵܐ ܕܥܸܕܵܢܵܐ ܒܲܣܝܼܡܬܵܐ ܒܝܵܘܡܵܢܹܐ ܕܒܸܛܠܵܢܵܐ.
ܡܵܠܘܿܟܼܵܐ Jarrod Bell، ܪܹܫ ܡܕܝܼܢ݉ܬܵܐ ܕܡܕܝܼܢ݉ܬܵܐ ܕ Hume
ܡܘܿܕܝܼ ܝܠܹܗ ܩܲܘܘܼܡܹܐ ܒܩܲܝܛܵܐ
ܫܸܠܫܸܠܬܵܐ ܕ Christmas Twilight ـ ܓܵܘ Sunbury؛ ܘ Broadmeadows
ܝܬܘܿܒܼܘܼܢ ܘܡܲܢܝܸܚܘܼܢ ܥܲܡ ܚܲܒܼܪܵܘܵܬܹܐ ܘܒܲܝܬܘܼܬܵܐ ܓܵܘ ܚܕܵܐ ܡܼܢ ܩܲܘܲܡܝܵܬܹܐ ܡܲܓܵܢܵܝܹܐ ܕܕܝܼܲܢ ܕܫܸܠܫܸܠܬܵܐ ܕ Christmas Twilight!
ܝܬܵܒܼܝܵܬܹܐ ܡܲܓܵܢܵܝܹܐ ܕܬܲܚܡܲܢܬܵܐ ܥܲܡܝܼܩܬܵܐ
ܒܸܣܒܵܪܵܐ ܝܬܘܿܢ ܒܠܗܝܼܩܘܼܬܵܐ ܠܡܲܕܪܘܼܣܹܐ ܛܵܒܼܘܼܬܵܐ ܕܚܲܝܵܘܟܼܘܿܢ؟ ܡܲܒܨܸܪܘܼܢ ܠܥܝܼܩܘܼܬܵܐ ܕܢܲܦ̮ܫܵܐ ܒܬܲܚܡܲܢܬܵܐ ܥܲܡܝܼܩܬܵܐܓܵܘ ܩܸܢܛܪܘܿܢ ܕܟܢܘܼܫܬܵܐ ܕ Greenvale West.
ܡܸܫܬܘܼܬܵܐ ܕܐܝܼܩܵܪܵܐ ܒܣܚܵܝܬܵܐ ܕܦܲܠܓܵܐ ܕܩܲܝܛܵܐ (Pride Pool Party Midsumma)
ܙܲܝܸܚܘܼܢ ܠܟܢܘܼܫܬܲܢ ܘܫܲܪܸܟܘܼܢ ܠܚܘܼܒܵܐ ܕܓܵܘ ܡܸܫܬܘܼܬܵܐ ܕܐܝܼܩܵܪܵܐ ܕܣܚܵܝܬܵܐ ܕܕܝܼܲܢ!
ܢܵܕܘܵܐ ܕܦܠܵܚܬܵܐ ܨܸܒ݂ܢܵܢܵܬܵܐ ܕܠܵܐ ܗܵܩܵܐ ܩܵܐ ܐ݉ܢܵܫܹܐ ܕܐܝܼܬܠܗܘܿܢ ܡܥܲܘܟ݂ܘܼܬܵܐ\ܕܝܼܢܵܐ ܡܼܢ ܟܢܘܼܫܝܵܬܹܐ ܦܪܝܼܫܹܐ
ܦܠܘܿܚܘܼܢ ܨܸܒܼܝܵܢܵܐܝܼܬ ܕܠܵܐ ܗܵܩܵܐ ܩܵܐ ܕܗܲܝܸܪܝܼܬܘܿܢ ܩܵܐ ܐܵܢܝܼ ܕܝܼܢܵܐ ܡܼܢ ܟܢܘܼܫܝܵܬܹܐ ܦܪܝܼܫܹܐ ܓܵܘ ܟܠܵܗܿ ܡܕܝܼܢ݉ܬܵܐ ܕ Hume.
ܐܝܼܬܠܵܘܟܼܘܿܢ ܚܕܵܐ ܬܲܚܡܲܢܬܵܐ ܩܵܐ ܡܵܘܬܒܼܵܐ؟
ܐܲܚܢܲܢ ܒܵܥܝܲܚ ܬܲܚܡܲܢܝܵܬܵܘܟܼܘܿܢ ܒܘܼܬ ܕܵܐܟܼܝܼ ܡܵܨܲܚ ܥܲܒܼܕܲܚ ܠܵܗܿ ܡܕܝܼܢ݉ܬܵܐ ܕ Hume ܕܗܵܘܝܵܐ ܚܕܵܐ ܕܘܼܟܬܵܐ ܒܘܼܫ ܨܦܵܝܝܼ ܩܵܐ ܚܲܝܘܼܬܵܐ، ܦܘܼܠܚܵܢܵܐ ܘܛܲܐܲܠܬܵܐ ܒܫܹܢ݇ܬܵܐ 2025\26!
ܫܲܕܪܘܼܢ ܠܗܘܿܢ ܬܲܚܡܲܢܝܵܬܵܘܟܼܘܿܢ!
ܐܲܚܬܘܿܢ ܗܘܼܡܙܸܡܠܵܘܟܼܘܿܢ، ܐܲܚܢܲܢ ܡܘܼܨܝܸܬܠܲܢ
ܝܠܘܿܦܘܼܢ ܕܵܐܟܼܝܼ ܐܲܚܢܲܢ ܟܹܐ ܫܲܚܠܸܦܲܚ ܠܗܘܿܢ ܚܲܒܪܵܢܵܘܟܼܘܿܢ ܠܥܒܼܵܕܵܐ!
- ●71 ܐܲܠܦܹܐ ܕܘܿܠܵܪܹܐ ܚܲܕܲܬܝܵܬܹܐ ܕܫܲܝܢܘܼܬܵܐ ܓܵܘ ܩܸܢܛܪܘܿܢ ܕܟܢܘܼܫܬܵܐ ܕ Broadmeadows.
- ●450 ܐܲܠܦܹܐ ܕܘܿܠܵܪܹܐ ܚܲܕܲܬܬܵܐ ܕ John Ilhan Memorial Reserve.
- ●500 ܐܲܠܦܹܐ ܕܘܿܠܵܪܹܐ ܐܲܪܥܵܐ ܕܛܲܐܲܠܬܵܐ ܕܒܵܝܸܣܟܝܼܠܹܐ ܕ John Coutts Reserve.
ܕܘܼܟܵܢܹܐ ܕܪܲܗܲܬܘܼܬܵܐ ܚܲܕܬܹܐ ܩܘܼܪܒܵܘܟܼܘܿܢ
ܐܲܚܢܲܢ ܒܸܪܫܵܡܵܐ ܝܘܲܚ ܟܡܵܝܘܼܬܵܐ ܪܵܡܬܵܐ ܕ 558 ܡܸܠܝܘܿܢܹܐ ܕܘܿܠܵܪܹܐ ܓܵܘ ܡܸܬܚܵܐ ܕܐܲܪܒܥܵܐ ܫܸܢܹܐ ܕܒܹܐܬܵܝܵܐ ܝܢܵܐ ܩܵܐ ܙܵܘܕܵܐ ܡܼܢ 500 ܬܲܪܡܝܼܵܬܹܐ ܩܵܐ ܓܲܪܘܲܣܬܵܐ ܕܟܢܘܼܫܬܲܢ. ܡܲܒܣܸܡܘܼܢ ܒܦܠܵܛܬܵܐ ܠܒܼܲܕܲܪ ܒܥܸܕܵܢܵܬܹܐ ܕܝܲܪܚܹܐ ܚܸܡܵܢܹܐ ܥܲܡ ܚܲܕܲܬܝܵܬܹܐ ܠܪܵܒܵܐ ܕܘܼܟܵܢܹܐ ܕܓܵܘ ܗܵܘܵܐ ܦܬܘܿܚܵܐ ܐܲܝܟܼ:
- ●ܚܲܕܲܬܬܵܐ ܕ Leo Dineen Reserve Pavillion (Tullamarine)
- ●ܡܲܫܛܵܚܹܐ ܒܲܪܵܝܹܐ ܕܓܘܼܕܬܵܐ ܕܫܲܒܼܟܵܐ (ܣܲܠܵܐ) ܕ Eric Boardman (Sunbury).
- ●ܚܲܕܲܬܬܵܐ ܕ Turnberry Drive (Sunbury).