ܝܠܘܿܦܘܼܢ ܒܘܼܫ ܙܵܘܕܵܐ ܒܘܼܬ ܨܲܢܕܘܼܩܵܘܟܼܘܿܢ ܩܝܼܢܵܐ
ܡܲܫܩܠܵܐ ܕܫܲܪܲܝܬܵܐ ܕܡܲܡܛܵܝܬܵܐ ܕܨܲܢܕܘܼܩܹܐ ܩܝܼܢܹܐ ܗܵܕܝܼܵܐ ܦܪܝܼܩܠܹܗ! ܐܲܚܢܲܢ ܡܘܼܡܛܹܐܠܲܢ ܙܵܘܕܵܐ ܡܼܢ 42،000 ܨܲܢܕܘܼܩܹܐ ܓܵܘ ܡܸܬܚܵܐ ܕܚܲܕܟܡܵܐ ܝܲܪܚܹܐ ܥܒܼܝܼܪܹܐ. ܗܵܕܝܼܵܐ ܟܠܚܲܕ ܒܲܝܬܵܐ ܓܵܘ ܡܕܝܼܢ݉ܬܵܐ ܕ Hume ܐܝܼܬܠܹܗ ܚܲܕ ܨܲܢܕܘܼܩܵܐ ܕܡܹܐܟܼܘܼܠܬܵܐ ܘܕܓܲܢܬܵܐ.
ܢܝܼܫܵܐ ܕܨܲܢܕܘܼܩܵܐ ܩܝܼܢܵܐ ܝܼܠܹܗ ܠܗܲܝܘܼܪܹܐ ܒܫܩܵܠܬܵܐ ܕܙܸܒܠܵܐ ܕܡܹܐܟܼܘܼܠܬܵܐ ܘܕܓܲܢܬܵܐ ܡܼܢ ܣܘܼܠܬܵܐ.
ܒܝܘܼܩܪܵܐ، ܡܹܐܟܼܘܼܠܬܵܐ ܟܹܐ ܥܵܒܼܕܵܐ ܦܲܠܓܵܐ ܕܚܒܼܝܼܫܵܬܹܐ ܕܨܲܢܕܘܼܩܵܐ ܣܡܘܿܩܵܐ.
ܓܵܘ ܣܘܼܠܝܵܬܹܐ، ܡܠܘܿܐܵܐ ܟܝܵܢܵܝܵܐ ܟܹܐ ܚܵܪܹܒܼ ܘܡܲܒܪܹܐ ܠܲܗܓܹܐ (ܓܵܙܹܐ) ܚܵܒܼܫܵܢܹܐ ܕܫܚܘܼܢܬܵܐ ܚܲܙܕܸܓܵܢܹܐ ܐܲܝܟܼ methane ܕܟܹܐ ܫܲܘܬܸܦܝܼ ܒܫܘܼܚܠܵܦܵܐ ܕܡܘܼܢܵܚܵܐ (ܡܘܼܙܵܓܼܵܐ ܕܗܵܘܵܐ).
ܐܝܼܢܵܐ، ܟܠܚܲܕ ܡܸܢܕܝܼ ܓܵܘ ܨܲܢܕܘܼܩܵܐ ܩܝܼܢܵܐ ܟܹܐ ܐܵܙܹܠ ܠܚܲܕ ܡܲܪܗܵܛܵܐ ܡܲܗܲܠܵܝܵܐ ܩܵܐ ܕܦܵܝܫܵܐ ܬܢܝܼܬܵܐ ܡܲܦܠܲܚܬܹܗ ܐܲܝܟܼ ܣܲܡܵܕ ܩܵܐ ܓܲܢܬܵܐ.
ܐܲܚܬܘܿܢ ܡܵܨܝܼܬܘܿܢ ܡܲܬܒܼܝܼܬܘܿܢ ܟܠܚܲܕ ܬܲܗܵܪܵܐ ܕܡܹܐܟܼܘܼܠܬܵܐ ܓܵܘ ܨܲܢܕܘܼܩܵܐ ܩܝܼܢܵܐ، ܒܸܚܒܼܵܫܵܐ:
- ܒܸܣܪܵܐ ܘܓܲܪܡܹܐ
- ܓܘܼܒܝܵܬܹܐ
- ܩܲܠܦܹܐ ܕܒܹܝܥܬܵܐ
- ܚܸܠܝܘܼܘܵܬܹܐ ܝܲܢ ܫܸܪܢܝܼܹܐ
- ܡܹܐܟܼܘܼܠܝܵܬܹܐ ܡܒܘܿܫܠܹܐ ܓܵܘ ܡܲܪܡܘܼܟ݂ܝܵܬܹܐ
ܐܲܟܸܕܘܼܢ ܕܫܵܩܠܝܼܬܘܿܢ ܠܗܘܿܢ ܟܠܲܝܗܝ ܟܲܪܡܘܼܟܼܝܵܬܹܐ ܕܗܵܘܝܼ!
ܟܲܪܡܘܼܟܼܬܵܐ ܪܲܦܹܐ ܝܬܘܿܢ ܠܵܗܿ ܓܵܘ ܨܲܢܕܘܼܩܵܐ ܣܡܘܿܩܵܐ.
ܐܲܚܬܘܿܢ ܠܹܐ ܡܵܨܝܼܬܘܿܢ ܕܪܲܦܝܼܬܘܿܢ ܡܸܢܕܝܼܵܢܹܐ ܐܲܝܟܼ ܦܠܵܣܬܝܼܟ (ܒܸܚܒܼܵܫܵܐ ܐܲܣܛܵܪܹܐ ܕܨܲܢܕܘܼܩܵܐ)، ܟܝܼܣܝܵܬܹܐ ܕܫܵܐܝ، ܫܸܚܬܵܐ ܕܚܲܝܘܵܬܹܐ، ܫܸܚܬܵܐ ܕܩܵܛܘܿܢܝܵܬܹܐ، ܩܵܝܹܐ (ܟܹܐܦܹܐ)، ܥܲܦܪܵܐ ܝܲܢ ܩܲܝܣܹܐ ܓܵܘ ܨܲܢܕܘܼܩܵܐ ܩܝܼܢܵܐ.
ܩܵܐ ܡܵܘܕܥܵܢܘܼܬܵܐ ܒܘܼܫ ܙܵܘܕܵܐ، ܣܲܚܒܸܪܘܼܢ ܠܫܲܘܦܵܐ hume.vic.gov.au/green-bin
ܓܲܒܲܝܵܬܹܐ \ ܫܘܼܚܠܵܦܹܐ ܓܵܘ ܓܸܠܦܵܢܹܐ
ܓܲܒܲܝܵܬܹܐ ܕܡܵܘܬܒܼܵܐ ܕܒܼܸܟܬܘܿܪܝܵܐ ܒܸܕ ܦܵܝܫܝܼ ܥܒܼܝܼܕܹܐ ܒܣܝܼܩܘܿܡܵܐ ܕܫܲܒܬܵܐ 26 ܬܸܫܪܝܼܢ ܩܲܕܡܵܝܵܐ 2024 (Saturday 26 October 2024).
ܐܲܝܵܐ ܝܼܠܵܗܿ ܦܘܼܪܣܵܐ ܕܕܝܼܵܘܟܼܘܿܢ ܠܕܪܵܝܵܐ ܩܵܠܵܐ ܩܵܐ ܡܵܢܝܼ ܗܵܘܹܐ ܩܲܝܘܼܡܵܐ ܕ ܡܕܝܼܢ݉ܬܵܐ ܕ Hume.
ܡܵܘܬܒܼܵܐ ܕܡܕܝܼܢ݉ܬܵܐ ܕ Hume ܒܸܕ ܫܲܢܹܐ ܠ 11 ܓܸܠܦܹܐ، ܩܵܐ ܟܠܚܲܕ ܓܸܠܦܵܐ ܒܸܕ ܗܵܘܹܐ ܩܲܝܘܼܡܹܗ ܚܲܕ ܡܵܠܘܿܟܼܵܐ (Councillor).
ܦܘܼܣܩܵܢܵܐ ܕܫܲܢܲܝܬܵܐ ܠ 11 ܓܸܠܦܹܐ ܦܝܼܫܵܐ ܝܗܘܵܐ ܫܩܝܼܠܵܐ ܒܝܲܪܚܵܐ ܕܫܒܼܵܛ 2024 ܒܝܲܕ ܘܲܙܝܼܪܵܐ ܕܫܘܼܠܛܵܢܵܐ ܡܲܗܲܠܵܝܵܐ ܕܒܼܸܟܬܘܿܪܝܵܐ.
ܢܝܼܫܵܐ ܝܼܠܹܗ ܥܒܼܵܕܬܵܐ ܕܩܲܝܘܿܡܘܼܬܵܐ ܡܲܗܲܠܵܝܬܵܐ ܕܗܵܘܝܵܐ ܒܘܼܫ ܨܦܵܝܝܼ ܘܐܲܟܲܕܬܵܐ ܕܟܠܚܕܵܐ ܦܢܝܼܬܵܐ ܕܡܕܝܼܢ݇ܬܵܐ ܕ Hume ܐܝܼܬܠܵܗܿ ܩܲܝܘܿܡܘܼܬܵܐ ܒܘܼܫ ܨܦܵܝܝܼ.
ܓܵܘ ܥܸܕܵܢܵܐ ܕܡܼܢ ܩܵܕ݉ܡ ܓܲܒܲܝܵܬܹܐ، ܡܵܘܬܒܼܹܐ ܓܵܪܲܓ ܐܲܟܸܕܝܼ ܕܐܵܢܝܼ ܠܵܐ ܛܵܒܼܥܝܼ ܝܲܢ ܦܵܪܣܝܼ ܟܠ ܚܕܵܐ ܡܵܘܕܥܵܢܘܼܬܵܐ ܕܗܵܘܝܵܐ ܐܲܝܢܝܼ ܕܒܲܠܟܵܐ ܗܵܘܹܐܠܵܗܿ ܡܲܥܒܕܵܢܘܼܬܵܐ ܥܲܠ ܕܪܵܝܬܵܐ ܕܩܵܠܵܐ ܓܵܘ ܓܲܒܲܝܵܬܹܐ.
ܡܼܢ ܣܵܥܲܬ 12 ܦܲܠܓܵܐ ܕܝܵܘܡܵܐ ܕܬܠܵܬܒܫܲܒܵܐ 17 ܐܝܼܠܘܿܠ ܗܲܠ ܣܵܥܲܬ 6 ܒܪܲܡܫܵܐ ܕܝܵܘܡܵܐ ܕܫܲܒܬܵܐ 26 ܬܸܫܪܝܼܢ ܩܲܕܡܵܝܵܐ، ܐܲܚܢܲܢ ܒܸܕ ܗܵܘܲܚ ܫܲܕܘܼܪܵܘܟ݂ܘܿܢ ܐܲܚܟ̰ܝܼ ܛܸܒܹܐ ܐܵܢܲܢܩܵܝܹܐ.
ܕܪܵܝܬܵܐ ܕܩܵܠܵܐ ܝܼܠܵܗܿ ܓ̰ܲܒܪܵܝܬܵܐ.
ܐܲܚܬܘܿܢ ܓܵܪܲܓ ܕܣܲܓܼܸܠܝܼܬܘܿܢ ܘܕܵܪܝܼܬܘܿܢ ܩܵܠܵܘܟܼܘܿܢ ܐܸܢ ܐܲܚܬܘܿܢ:
ܝܼܬܘܿܢ ܒܥܘܼܡܪܵܐ ܕ 18 ܫܸܢܹܐ ܝܲܢ ܒܘܼܫ ܙܵܘܕܵܐ
ܝܼܬܘܿܢ ܒܢܲܝ ܐܲܬܪܵܐ ܕܐܘܿܣܬܪܠܝܵܐ (ܪܵܥܝܲܬܹܐ ܕܐܘܿܣܬܪܵܠܵܝܵܐ)
ܗܘܹܝܹܐ ܝܬܘܿܢ ܒܸܚܵܝܵܐ ܓܵܘ ܐܵܕܪܹܣܵܘܟܼܘܿܢ ܩܵܐ ܚܲܕ ܡܸܬܚܵܐ ܒܘܼܫ ܝܲܪܝܼܟܼܵܐ ܡܼܢ ܚܲܕ ܝܲܪܚܵܐ.
ܡܫܘܼܚܘܼܢ ܠܪܸܡܙܵܐ ܕܥܸܢܝܵܢܵܐ ܣܘܼܪܗܵܒܼܵܝܵܐ (QR) ܩܵܐ ܕܣܲܓܼܸܠܝܼܬܘܿܢ ܠܕܪܵܝܵܐ ܩܵܠܵܐ، ܝܲܢ ܨܲܚܨܹܝܡܘܼܢ ܝܲܢ ܚܲܕܸܬܘܼܢ ܠܣܲܓܼܲܠܬܵܘܟܼܘܿܢ.
ܪܸܡܙܵܐ ܕܥܸܢܝܵܢܵܐ ܣܘܼܪܗܵܒܼܵܝܵܐ(QR) ܩܵܐ ܣܲܓܼܲܠܬܵܐ: https://www.vec.vic.gov.au/enrolment
ܓܲܒܲܝܵܬܹܐ ܒܸܕ ܦܵܝܫܝܼ ܥܒܼܝܼܕܹܐ ܒܐܘܼܪܚܵܐ ܕܕܪܵܝܬܵܐ ܕܩܵܠܵܐ ܒܒܵܪܝܼܕܵܐ.
ܕܪܵܝܬܵܐ ܕܩܵܠܵܐ ܒܒܲܪܝܼܕܵܐ ܒܸܕ ܦܵܝܫܵܐ ܫܘܼܕܸܪܬܵܐ ܩܵܐ ܐܵܕܪܹܣܵܘܟܼܘܿܢ ܕܣܘܼܓܼܸܠܹܐ ܝܬܘܿܢ ܥܲܠܹܗ.
ܐܲܚܬܘܿܢ ܒܸܕ ܩܲܒܠܝܼܬܘܿܢ ܟܲܪܡܘܼܟܼܬܵܘܟܼܘܿܢ ܕܕܪܵܝܬܵܐ ܕܩܵܠܵܐ ܒܒܲܪܝܼܕܵܐ ܝܵܘܡܵܐ ܕܬܠܵܬܒܫܲܒܵܐ ܒܹܝܠ 8 ܬܸܫܪܝܼܢ ܩܲܕܡܵܝܵܐ ܗܲܠ ܝܵܘܡܵܐ ܕܚܲܡܫܵܒܼܫܲܒܵܐ 10 ܬܸܫܪܝܼܢ ܩܲܕܡܵܝܵܐ.
ܡܠܹܝܡܘܼܢ ܘܫܲܕܪܘܼܢ ܠܕܪܵܝܬܵܐ ܕܩܵܠܵܐ ܒܒܲܪܝܼܕܵܐ ܕܕܝܼܵܘܟܼܘܿܢܡܼܢ ܩܵܕ݉ܡ ܣܵܥܲܬ 6 ܒܪܲܡܫܵܐ ܕܝܵܘܡܵܐ ܕܥܪܘܼܒܼܬܵܐ 25 ܬܸܫܪܝܼܢ ܩܲܕܡܵܝܵܐ.
ܫܲܪܸܟܘܼܢ ܠܗܘܿܢ ܢܲܨܝܼܗܲܬܵܘܟܼܘܿ ܘܨܘܼܪܝܵܬܵܘܟܼܘܿܢ ܘܬܘܼܢܝܵܬܵܘܟܼܘܿܢ ܐܲܩܡܵܝܹܐ ܥܲܡܲܢ!
ܩܵܐ ܐܲܨܲܚܬܲܢ (ܢܘܼܣܟܼܵܐ ܕܕܝܼܝܲܢ) ܕܒܹܐܬܵܝܵܐ ܝܠܵܗܿ ܕ Hume Highlight، ܐܲܚܢܲܢ ܒܵܥܝܲܚ ܫܵܡܥܲܚ ܡܼܢ ܟܢܘܼܫܬܵܐ!
ܫܲܕܪܘܼܢ ܠܗܘܿܢ ܢܲܨܝܼܗܲܬܵܘܟܼܘܿܢ، ܨܘܼܪܝܵܬܵܘܟܼܘܿܢ، ܐܘܼܪܚܵܐ ܘܪܘܼܟܵܒܼܹܐ ܕܬܲܪܲܨܬܵܐ ܕܡܹܐܟܼܘܼܠܝܵܬܵܘܟܼܘܿܢ ܝܲܢ ܒܲܗܪܲܢܝܵܬܵܘܟܼܘܿܢ ܐܲܩܡܵܝܹܐ ܕܒܹܝܬ ܢܝܼܣܵܢܹܐ ܩܵܐ ܦܘܼܪܣܵܐ ܕܡܲܚܙܲܝܬܲܝܗܝ ܓܵܘ ܐܲܨܲܚܬܲܢ ܕ Hume Highlight ܕܒܹܐܬܵܝܵܐ ܝܠܵܗܿ.
ܫܲܪܸܟܘܼܢ ܠܗܘܿܢ ܢܲܨܝܼܗܲܬܵܘܟܼܘܿ ܘܨܘܼܪܝܵܬܵܘܟܼܘܿܢ ܘܬܘܼܢܝܵܬܵܘܟܼܘܿܢ ܐܲܩܡܵܝܹܐ ܥܲܡܲܢ!
ܩܵܐ ܕܒܼܵܩܬܵܐ ܕܡܲܪܗܵܛܹܐ (Bookable)
ܐܲܚܬܘܿܢ ܡܵܨܝܼܬܘܿܢ ܡܵܨܝܼܬܘܿܢ ܕܒܗܵܣܵܢܵܝܘܼܬܵܐ ܕܵܒܼܩܝܼܬܘܿܢ ܠܡܲܪܗܵܛܹܐ ܘܕܘܼܟܵܢܹܐ ܕܡܸܫܬܘܼܝܵܬܹܐ ܕܡܵܘܬܒܼܵܐ ܡܼܢ ܥܲܠ ܐܸܢܬܸܪܢܸܬ.
ܒܹܐܡܵܐ ܚܲܕܬܵܐ ܕܕܝܼܝܲܢ Bookable ܟܹܐ ܝܵܗܹܒܼܠܵܘܟܼܘܿܢ ܦܣܵܣܵܐ ܕܥܵܒܼܕܝܼܬܘܿܢ ܒܘܼܨܵܝܵܐ، ܚܵܙܝܼܬܘܿܢ ܘܕܵܒܼܩܝܼܬܘܿܢ ܚܲܕ ܡܸܢܝܵܢܵܐ ܕܡܲܪܗܵܛܹܐ ܕܡܵܘܬܒܼܵܐ.
ܡܲܪܗܵܛܹܐ ܒܸܚܒܼܵܫܵܐ ܝܢܵܐ ܩܸܢܛܪܘܿܢܹܐ ܕܟܢܘܼܫܬܵܐ، ܐܵܘܵܢܹܐ، ܩܸܢܛܪܘܿܢܹܐ ܕܪܵܥܝܲܬܹܐ ܥܒ݂ܝܼܪܹܐ ܒܫܸܢܹܐ، ܒܵܨܹܐ ܕܟܢܘܼܫܬܵܐ ܕܩܸܢܛܪܘܿܢܹܐ ܕܥܠܲܝܡܘܼܬܵܐ ܘܒܘܼܫ ܙܵܘܕܵܐ.
ܐܝܼܬ ܕܘܼܟܵܢܹܐ ܕܡܸܫܬܘܼܝܵܬܹܐ ܓܵܘ ܟܠܵܗܿ ܡܕܝܼܢ݉ܬܵܐ ܕ Hume ܕܠܵܚܡܝܼ ܩܵܐ ܟܠ ܚܕܵܐ ܩܲܘܲܡܬܵܐ ــ ܡܼܫܬܘܼܝܵܬܹܐ ܕܡܵܘܠܵܕܵܐ، ܚܠܘܿܠܵܢܹܐ، ܩܲܘܲܡܝܵܬܹܐ ܕܦܘܼܠܚܵܢܵܐ ܘܒܘܼܫ ܙܵܘܕܵܐ.
ܐܲܚܬܘܿܢ ܡܵܨܝܼܬܘܿܢ ܥܵܒܼܕܝܼܬܘܿܢ ܚܕܵܐ ܕܒܼܵܩܬܵܐ ܠܚܘܿܕܵܝܬܵܐ ܝܲܢ ܕܒܼܵܩܝܵܬܹܐ ܬܸܢܝܹܐ ܘܡܕܲܒܪܝܼܬܘܿܢ ܠܕܒܼܵܩܬܵܘܟܼܘܿܢ ܘܦܘܼܪܥܵܢܵܘܟܼܘܿܢ ܡܼܢ ܥܲܠ ܐܸܢܬܸܪܢܸܬ ܡܼܢ ܚܘܼܫܒܵܢܵܘܟܼܘܿܢ.
ܣܲܚܒܸܪܘܼܢ ܠܫܲܘܦܵܐ hume.bookable.net.auܩܵܐ ܕܒܲܠܒܝܼܬܘܿܢ ܘܣܲܓܼܸܠܝܼܬܘܿܢ ܩܵܐ ܚܲܕ ܚܘܼܫܒܵܢܵܐ ܕ Bookable ܝܲܢ ܣܲܚܒܸܪܘܼܢ hume.vic.gov.au/bookings-how-to ܩܵܐ ܕܝܵܕܥܝܼܬܘܿܢ ܒܘܼܫ ܙܵܘܕܵܐ ܒܘܼܬ ܡܲܦܠܲܚܬܵܐ Bookable.